否認抑鬱症「封咪」 黃子華為趙崇基導演出關

2018年6月1日 | AM730

溫碧霞、黃子華、張達明等,前晚出席電影《中英街1號》首映禮,黃子華正為7月舉行的棟篤笑做準備,但特別出席支持好友趙崇基導演,他說趙崇基是他第一齣參演電影的導演,而且更是多年好朋友,有指希望與對方再合作,更否認報道指他抑鬱症復發。

黃子華指,現在是最後衝刺階段,因為還有一個月就開騷,他說:「呢排在為下個月開騷嘅棟篤笑閉關,基本上唔見外人啦,不過趙崇基叫我就冇辦法唔嚟,因為我哋好好朋友,我第一次拍電影,就係佢做導演,希望以後仲有機會同佢合作。」

閉關娛樂就是食 最想順便增埋高
對於早前有雜誌指他怕壓力太大,怕抑鬱症復發而封咪,黃子華笑著回應:「好有趣嗰本雜誌呢,每次報道我呢,都話我瀕臨抑鬱崩潰邊緣,我諗我曾經試過咁樣,不過已經好多年冇啦。」他又表示壓力其實不大:「平常心面對啦,希望可以同觀眾一齊度過開心嘅7月啦。」他又坦言不可能再加場:「大家都知道紅館要早一年book場,再加場就要下年啦。」身材明顯胖了點的黃子華,問到是否有意為棟篤笑增肥,他笑言:「冇刻意增肥,只係閉關唯一娛樂就係食,其實我唔減磅、就係增肥了,仲想順便增埋高。」

1527790412_Pa-1280w

黃子華指,趙崇基一邀請,他就算閉關期間,亦都親身前來撐場。

1527790408_1I-1280w

久未露面的張達明,亦有前來支持趙崇基。