黃子華落實四月中返無綫拍劇，夥拍的女主角並非早前傳的佘詩曼，而是徐子珊，她坦言開心到不懂得形容，並謙稱沒有資格取代阿佘。

黃子華被指今年會返無綫拍劇，更一度傳出他再與舊拍檔佘詩曼或鄭裕玲等好戲之人合作。據知，子華已落實四月中「回歸」拍攝監製文偉鴻的時裝喜劇，不過女主角是徐子珊，二人於劇中有感情線，其他演員包括阮兆祥、林子善和陳嘉佳（小寶）等。對於與子華合演情侶，子珊昨日接受電話訪問時表示，開心到不懂得形容，又指現時正聽古仔，未曾見過子華，不過身邊很多朋友都視他為偶像，故相信消息公開後，不少好友都會前來探班。

傾緊故事題材
提到她取代佘詩曼，子珊謙虛地說：「邊有咁嘅資格，冇可能，不過有咁嘅機會，都會盡力去做，我知子華係一個好認真嘅藝人，以前喺無綫拍嘅劇集收視都好高，所以緊張得嚟都有壓力。」記者昨日致電曾跟子華合作《絕代商驕》的監製文偉鴻，提到有傳子華今次返無綫跟阿佘合作，他說：「我哋都好想搵阿佘拍，但係佢個期真係配合唔到。」他又指與子華現正洽談題材和故事，大家傾得相當愉快。

另外，有份參演的陳敏之表示首次跟子華合作，對方是她很欣賞的藝人：「我有睇晒佢啲棟篤笑㗎！（劇中有冇感情線？）有少少暗戀，係錯摸嗰啲，劇中佢係我老闆，一心改造我成為成功嘅人。」

黃子華落實四月中「回歸」無綫拍劇。