張達明、吳鎮宇及黃子華昨日齊齊亮相《鬚根Show》的宣傳活動，與觀眾大玩估戲名遊戲，席間三人表現風騷非常，與《鬚根Show》加場後售票情況理想不無關係，達明更笑說：「我哋星期五開始賣飛，點知第一日已經賣咗九千張，就嚟又爆滿。原本有間公司話想包我哋五場嚟做，但睇而家嘅情形根本冇可能，我哋又唔想再加場，事關啲觀眾嚟撲飛，好多都係想睇尾場嘅。」

打風有應變措施
推掉五場加場，達明保守估計會損失百萬票價，但三人同時覺得不可惜，且謂：「其實都唔係賺好多，最主要都係搞吓氣氛，而且根本都無期俾我哋加場，個騷完後都係得番一日時間拆景，萬一遇到打風落雨，可能連嗰日都要用嚟補場。」

由於《鬚根Show》表演為期兩個月，剛遇正颱風季節，三人已預算隨時會有打風落雨的可能，達明坦言：「我哋都諗住訂定啲巴士，如果打風嘅話，我哋都有交通工具安排俾啲觀眾囉。」