子華惡戰Cool魔

2013年12月16日 | 太陽報

今屆「視帝」將於今晚揭曉,大熱的「Cool魔」張智霖與後上的黃子華,前晚率先在阮兆祥的個唱進行前哨戰,前者以「機師Look」冧粉絲,後者則落力獻唱主題曲,子華更抵死地笑說:「通勝寫『大凶』就一定去頒獎禮!」

台慶頒獎禮今晚在無綫電視城舉行,有份角逐「視帝」的「Cool魔」張智霖(Chilam)、「廣男哥」黃子華、「三屆視帝」黎耀祥及馬國明(馬明)等在戰前各有準備,當中以早前在馬來西亞率先稱帝的Chilam呼聲最高,他前晚與子華為好友阮兆祥(祥仔)的《阮兆祥2013 1祥朋友演唱會》擔任嘉賓,期間各自向觀眾拉票,作為壓軸嘉賓的Chilam,更以私伙「機師Look」大唱《歲月如歌》搶分!其後又與惡搞版《吹上雲霄》中的「Holland Hey」祥仔作狀咀嘴,就連祥仔亦笑他:「你為咗拉票不擇手段!」對於只有太太袁詠儀不看好攞視帝,Chilam坦言每個獎項的遊戲規則都不同:「雖然之前攞咗幾個獎,但唔代表每個都攞到,攞到係開心事,攞唔到會欣然接受,毋須睇得太重!」他又否認拍劇換獎。而子華則與徐子珊自彈自唱《My盛Lady》主題曲,甫現身即獲觀眾大叫「教主」。他又暗示將缺席:「聽日睇吓通勝先,如果寫『大凶』就一定去!」他表示有份提名已很滿足。

祥仔馬明盡力而為
至於「三屆視帝」黎耀祥似乎打定輸數,笑言今年是「專業人士」的競賽:「又醫生又機師,今年都有『最受歡迎電視男角色』,希望觀眾今年再投畀我,可能都夠票數!」而馬明則透露親友已默默投票給他,問到奪得「藝人眼中的視帝」會否增添信心,他表示沒有太大關係:「機制唔同,今年一半觀眾,一半專業評審,攞咗台慶獎唔代表會再攞,Chilam攞咗大馬獎都唔代表會攞,今年個個都有機,盡力而為啦!」至於有份提名「飛躍進步女藝員」的岑麗香,因在劇集《On Call36小時II》的離世演出催淚而成熱話,問到可有信心贏獎?她說:「唔知!唔係我都唔定!當去睇個騷!」她還為自己的演出感動,但亦多謝對手羅仲謙在拍攝時交足戲。

1216-00470-030b2

黃子華與徐子珊自彈自唱《My盛Lady》主題曲,擺明向「Cool魔」挑機。