黃子華、陳法拉同劉俊謙合演嘅舞台劇《前度》由本月一日公演，總共會喺演藝學院開35場。噚晚第3場演騷後，子華大約11點離開場館，當時仲有幾十個fans喺門口等佢，本來準備走嘅子華見到大家咁有心，都即刻停步同大家影相，但助手就講明子華唔會簽名，fans都好合作，影完相就放子華走，呢個時候法拉亦出嚟喇，不過就係喺另一個門口出嚟，而子華影完相就同法拉上埋同一架七人車走人，原來佢哋去銅鑼灣食宵夜。

當車抵達銅鑼灣廣場二期，子華首先落車，帶咗口罩嘅佢見記者影相，仲猛叫記者行遠少少影，子華話：「行開少少影啦，好多人認得我架，我都特登帶咗口罩！」緊隨佢落車嘅法拉都戴咗口罩，記者影相佢亦顯得好避忌，之後就上咗去其中一層嘅酒樓喇！

噚晚子華同法拉騷後去銅鑼灣食宵夜

子華仲叫記者行開少少影，唔想俾人認到