黃子華、徐子珊、華姐張慧雯等昨日於酒店為新劇《My盛Lady》拍攝一場觀禮戲，子華透露劇中被張慧雯?中，他亦盡力配合對方，笑指現實生活中則會主動出擊追女仔，雖然成功個案不少，但亦偶有失敗經歷，問到現時感情狀況，一向低調的他卻不肯透露半點，只表示沒有多想，並無厘頭說想「抱孫」。

問到子華為何如此心急，他笑謂：「生仔趕唔切。（真㗎？）自問可信性低。（你想做和尚？）努力中，呢啲嘢要發生就算好忙都OK，不過依家未算好忙，到時唔得咪自己人工受孕。（都要有母體先得！）可能好似Michael Jackson咁呢，唔話畀你哋知。」

徐子珊隱隱作痛
而尾龍骨傷患未愈的子珊，即使穿上低胸裙，但仍不敵同場露4吋事業線的張慧雯，她透露現時俯身也會隱隱作痛，更謂：「呢排唔會太大動作，要着高踭鞋連戲冇法，惟有盡量小心，同埋有時間就去覆診，呢排開工有啲景要噴潤滑劑，工作人員都會好好抹地，好關心我，覺得好溫暖。」

至於性感打扮的張慧雯就表示乃角色要求，私下則未能接受如此性感，見她似發福不少，不過伊人卻否認謂：「梗係唔係，比之前瘦咗添！因為之前冇咩嘢做嘛！」

黃子華昨日與傷患未愈的子珊繼續開工，子珊表示不少工作人員都關心她。

在場拍觀禮戲的子華透露會主動追女仔。