黃子華和王君馨今日喺深水埗街頭幫無綫劇《My盛Lady》拍攝一場槍戰戲，王君馨飾演硬朗女警，佢一手捉住子華，喺槍戰入面拯救對方。

今次仲係君馨首次揸槍，估唔到演得有板有眼，其中一場因為手槍空殼彈反彈到佢塊面上面，好彩未有釀成意外，只係面上面沾咗小小黑彈粉，佢話：「都係今日嚟到師父教我點揸搶，都幾好玩，我都有帶耳塞，好興奮可以喺街上開槍。」

君馨表示寧願陀槍多過行性感，但劇入面，佢都係要獻出熒幕初吻：「畀咗何君誠，現實中嘅男友事前唔知，係臨場加戲。」子華坦言好似一隻受保護動物，全程被君馨保護，笑言從未想過該劇會有槍戰，問到會唔會加咀戲？佢話：「同佢冇咀戲，戲中佢好硬朗，咀佢會俾佢打死。」

王君馨第一次揸槍，有板有眼。

子華好似拍劇嘅look都差不多。

好似好勁咁款

滾地沙？