最近無綫成功游說曾創下劇集收視佳績的黃子華，下月初接拍搞笑民初劇《奸人堅》，希望再創收視神話！

子華在00年拍攝的《男親女愛》、及04年拍的《棟篤神探》均大受歡迎，收視亦創下紀錄，不少觀眾都期待子華會再拍劇！據悉無綫已成功掂子華拍攝民初搞笑劇集《奸人堅》，子華將扮演搞笑版石堅，與飾演黃飛鴻的林嘉華鬥智鬥力，而女主角則由葉童擔任。

由於此劇下月初就會開工，因此子華現時要先去旅行叉電，兼坃拍攝靈感。至於早前曾返港拍攝《學警出更》的林嘉華笑言，回流拍出戲癮：「我下星期會返港拍陳木勝嘅《男兒本色》，之後先為《奸人堅》開工！」林嘉華坦言很期待與子華合作，因為二人從未合作過：「『雙華』合璧，希望會帶畀大家新鮮感！今次我做黃飛鴻好開心，因為我係關德興嘅Fans！」

林嘉華唔怕動作戲
提到劇中將有不少動作戲，林嘉華自言之前也拍過，相信不會有問題：「不過我依家係加拿大中文電台工作，到時返港拍劇，可能要改為以Phone In形式去做。（太太會唔會跟隨返港？）暫時唔會喇！不過佢冇埋怨，因為佢不嬲都知我好鍾意拍戲！」