莫探員翻生做老襯息民怨

2004年8月28日 | 太陽報

由於有很多觀眾因不滿《棟篤神探》結局,未能清楚交代莫探員的生死,紛紛向無綫投訴,無綫特別順應民意,昨晚播出《棟》劇大團圓足本結局!

近日《棟篤神探》的結局篇惹來很多非議,無綫共收到八十三宗觀眾意見,投訴《棟》劇未能大團圓結局。昨日無綫終於接受意見,決定在昨晚的《娛樂大搜查》內,播出莫探員與李慧慧的結婚戲大團圓結局,以撫民心。

悲劇結局睇到喊
昨日黃子華應《棟》劇監製徐正康要求,為新結局作即場解畫,不過他卻遲到半小時才入廠,他笑說:「我畀人照肺!(畀珍姐照肺?)其實唔係,打聲招呼啫,傾吓將來嘅合作可能。(傾拍續集?)我一向唔傾向拍續集,要做就做新嘢,但世事好難預料嘅,唔可以講得太實,其實之前嘅結局大家都有畀意見,喺過程中,我有反對,亦有贊成,都估到大部分觀眾嘅反應,我自己對結局都覺得好難受,死又死得淒涼,好似隻狗咁,死埋一邊,自己諗起莫探員咁慘都有喊。」
其後子華在廠內率先收看重新編排的結局,片段中,劇情講述莫探員追賊後在街上暈倒,然後想起一連串與李慧慧拍拖時的回憶,鏡頭一轉,穿上禮服的莫探員突然出現李慧慧身邊,二人一吻之下結婚了,字幕中還寫着「從此莫探員同慧慧幸福快樂地生活下去喇!」以大團圓結局交代一切。
其後,子華被《娛樂大搜查》主持譚小環問到24集都是喜劇,為何在25集結局篇卻以悲劇收場?子華說:「呢套唔係喜劇,係有深度嘅一套劇,不過見到莫探員死得咁慘,自己都眼濕濕。其實之前有報道話係大團圓結局,所以到結局唔係Happy Ending,大家先至好大反應。」

e05082880_big

飾演莫探員的黃子華上《娛樂大搜查》為新結局作全面解畫。