鄭秀文走音依然黃子華棟篤笑幫拖10分鐘

2016年9月19日 | 東方日報

鄭秀文(Sammi)前晚繼續聲沙沙走音演出第二場紅館演唱會,當晚來捧場的圈中朋友包括大美人李嘉欣、許晉亨、梁漢文夫婦及徐濠縈等,老公許志安亦睇足全場!

前晚Sammi找來好友黃子華任嘉賓幫拖,舉行迷你Talk騷講足十分鐘,由於Sammi全晚聲沙致走音,子華心痛地搞笑說:「陰功囉!我作為一個把聲成日出問題嘅表演者,對你有一個忠告,我試過臨出場喺廁所又屙又嘔,一路提醒自己作為一個專業表演者最緊要係乜嘢,無論幾唔舒服都唔!好!回!水!」觀眾拍爛手掌及叫尖!子華繼續說:「一定唔好回水,叫回水嘅人好幼稚。」子華更擺Sammi老公安仔上枱開玩笑,當住萬二個觀眾面前催Sammi生BB,他說:「我連你個仔個名都諗埋,叫『許勝不許敗』,三母子走出嚟贏晒!」

0919-00282-033b1

黃子華為Sammi任嘉賓,十足開棟篤笑!