吳鎮宇今日假泰國曼谷的酒店擺六圍喜宴。伴郎黃子華、好友劉青雲等亦已抵。為婚禮養精蓄銳的鎮宇，昨日未有再到泳池暢泳。反而賓客黃卓玲急不及待換上比堅尼水着，曬太陽之餘也晒身材。

子華笑鎮宇係房游水
至下午，鎮宇的兄弟團陸續殺到，任伴郎的黃子華與女友、劉青雲與太太郭藹明及無綫製作部助理總監（戲劇分部）梁家樹與太太等，他們一行人到達酒店時表現雀躍，子華更取笑老友鎮宇：「咦！你哋（記者）喺度，咁我哋冇嚟錯啦！鎮宇去咗邊？喺酒店房呀，佢唔係去左游水咩，佢喺房度游水！（有冇帶靚酒賀佢？）唔使啦，一陣買支啤酒咪得囉！」青雲亦說今次婚宴中他責任重大，問他郭藹明手持兩大袋禮服是否鎮宇的，他笑着說：「嘩！唔講得畀你聽。」還指自己出席婚宴已是一份大禮。