黃子華、徐子珊以情侶黑帽黑西裝打扮出席劇集《My盛Lady》晚宴，談到有指子華翻撻前女友，他無奈說：「我今日好攰，啲傳媒太支持我，一落街就跑，跑到氣喘。（你有咩回應？）我盡量唔會回應喇，我係出活動、宣傳先回應，如果喺屋企樓下就可以隨便影，不過就唔回應喇，唔好話我冇禮貌。」他又表示沒有特地去了解傳聞詳情：「我知唔係好嘢，並非事實，同前度都係朋友式聯絡。（翻撻？）唔可能。（講到咁實？）世界上好難講到盡一億個巴仙，不過暫時睇都冇呢個可能。（依家感情狀況？）私人嘢唔講。（之前段感情放低咗？）總之唔係事實囉。」問到有否與前度談及此事時，他說：「唔恰當去解釋，依家都唔知講咩！」問到此事有否影響對方生活，他想了想說：「真係好唔好，依家咁講就真係覺得有啲憤怒，我有劇出就預咗要捱，但係累咗人就真係唔好。」他又表示不懂應付這些情況，談到出名一向轉數快兼做開棟篤笑的他怎會不懂應付時，他笑說：「今次邊跑邊應付就真係難到我。」他亦點頭承認十分影響他生活。

談到此劇首集收視高開，平均29、最高31點，他表示多謝：「其實究竟係高定低都唔知，最緊要觀點睇得開心，我自己都睇得開心。（真係有機會跪回家？）咁呢樣就想降低大家期望，你估真係好似恆生指數咁會逐步飆升咩。」談到Tvb為此劇收到兩個觀眾電話，分別是投訴劇情一般，及大讚劇情吸引、對白抵死、陳嘉佳（小寶）演技精湛。問到觀眾對劇情持不同看法時，他說：「兩個電話實在太唔可以作準，不過冇乜所謂，一定有鍾意有唔鍾意，鍾意就睇啦。」

子珊就表示正在跟子華構思搞情侶登台組合，她表示組合名字叫「雙子合唱團」：「因為我哋個名都有個子字，而且都真係有人問，所以都極力sell下，希望可以情侶檔登台，就嚟年尾都想接返啲騷搵下真銀。」

黃子華表示與前度以朋友方式聯絡，唔可能翻撻。

黃子華明白劇集一定有觀眾鍾意或唔鍾意，叫觀眾鍾意就睇。

徐子珊表示正在跟子華構思搞情侶登台組合，組合名叫「雙子合唱團」！