徐子珊和黃子華等昨日為新劇《My盛Lady》開工，早前跌傷尾龍骨的子珊，透露現時俯身也會觸動傷患隱隱作痛，故不敢太大動作，而且仍要覆診，但為連戲被迫穿上5吋高踭鞋。她笑指意外後工作人員對她處處關心：「有啲景噴咗潤滑劑，佢哋都會抹番地，好關心我，好溫暖！不過嗰場戲就未補拍番。」

而劇中被異性追求的子華，笑言現實中反而會主動出擊，問到有否失敗例子，他尷尬地說：「都有，不過係求學時期，近年冇諗，唔好問呢啲嘢啦！（要低調？）諗住兩年後生孫，生仔趕唔切！（真㗎？）自問可信性低，但努力中，呢啲嘢要發生就算忙都OK，到時唔得咪自己人工受孕！」

子華攬腰扶實，子珊唔驚再跌親啦！