黃子華昨日到將軍澳出席活動，對於憑新劇《My盛Lady》入圍角逐《萬千星輝頒獎典禮2013》「最佳男主角」，他笑言：「等派成績表！」對於有批評指劇中拍檔徐子珊與他合作欠火花，他說：「前面啲戲集中講我幫人，子珊會慢慢滲出嚟，佢係底嗰浸，會愈睇愈夾！」

子華又對自己頻頻成為封面人物表示：「夠晒喇！再咁被人追，我心臟病發都有可能！」談到無綫把「香港電視」註冊為商標，他說：「以和為貴啦！我唔知背後原因，咁TVB嘅香港小姐的確唔係叫無綫小姐，呢個可能係Habit（習慣），唔知個Habit會唔會愈嚟愈大。」

黃子華笑言期待頒獎典禮派成績表。