黃毓民昨日為下月舉行的棟篤笑「少理老懵」開記者會，請來黃子華、吳鎮宇及張達明這三位擅長搞棟篤笑的嘉賓撐場。會上毓民向三人拜師，三人卻以寫有「唔關我事」的牌匾表明立場，以免毓民惹火言論波及自己，十分搞笑。

稍後將返無綫拍劇的子華表示：「我呢排待業，今日（即昨日）先約監製傾偈，未知邊個做女主角。（你想呢？）啲花旦個個都有劇拍隨時唔得閒。（鄭裕玲都話唔拍劇！）我都驚辛苦冇得瞓，希望喺唔使咁辛苦嘅情況下可以同佢再合作。（拍劇酬勞如何？）好多錢呀，做完打跛腳唔使憂！」

另外，投資今次棟篤笑的林建名對早前失車表示：「我都矇查查，係警方通知我先知，架車都燒晒，唔知保險賠唔賠得足，警方話匪徒三分鐘就可以拆防盜，都冇得小心。（失車引發黑幫大廝殺喎！）我唔知，警方會處理。」