黃子華揚言獎不離身:飲茶都放喺度當點心

2013年12月19日 | on.cc 東網

出爐視帝黃子華現身無綫電視城拎獎,劇集《My盛Lady》一班演員包括陳敏之、阮兆祥、林子善、蝦頭等到場支持,子華一身西裝骨骨打扮,相當俊俏。事後他笑言該身打扮全靠徐子珊提醒:「佢叫我唔好著波衫波鞋,點都要著西裝。其實我真係未知呢個獎係咩,因為從未主動了解過,我有上過台攞過其他獎,只係每年都有啲唔同,搞到我有混亂。」

今次由好拍擋鄭裕玲口中得知獲獎,會否意義更為重大?子華突然重提某件舊事,他透露自完成第一個棟篤笑後開始有人留意,當時某藝術家頒獎禮稱會頒獎給他,惟條件是要他出席和表演五分鐘,結果他最終缺席以致和獎項無緣:「所以最後都無獎攞,我覺得頒獎畀我,唔係因為我出席或願意做咩先有,而係我之前做過咩而頒畀我,到今日(今次)我無出席都有獎攞,我認為係好方向,超越成個無綫向前行,嗰個以藝術家為名嘅頒獎禮都要講究咁多條件,而無綫今次係無條件下(頒畀我),我真係非常之唔主動,所以真係非常意外。」問到是否真的會起價?子華笑說至少起價一年,不過因向來沒有跟其他人合作,故或會因而加自己人工,亦暫時未決定怎樣獎勵自己:「買個框鑲起佢?都係唔好,我決定拎住佢,飲茶都放喺度當點心,總之有我就會見佢個獎。」

bkn-20131219170829607-1219_00862_001_01b

黃子華揚言獎不離身,連飲茶都要帶住佢,誇張得嚟好搞笑。

bkn-20131219170829607-1219_00862_001_02b

黃子華拎視帝,同劇台前幕後表現仲興奮過佢,證明佢得獎又得人心,勁!

bkn-20131219170829607-1219_00862_001_03b