今年53歲的黃子華事業有成，更是俱收視保證的電視靈丹，名利雙收，但年過半百的他，仍難逃「剩男」命運，自從去年跟任職化妝師的女友分手後，至今仍是單身，情場未有著落。身為「剩男」的子華接受《好報》獨家訪問，妙論「剩男剩女」的社會現象。子華認為問題所在，就是很多女士都知道，所有男人都是花心，他說：「兩個咁o既『物種』仲可以點相處呢？依家啲女人唔使到廿歲都知冇一個係好男人啦！」至於子華是否「花心男」之一，子華則說：「雖然我講每一個都係，但當然其實係有『異數』，但我係唔屬於『異數』，我係屬於正常嗰99.9男人！」

執之子手，與子偕老，結婚這一生一世的盟約，對子華來說，其實是一時衝動，他說：「最緊要係『一時衝動，永不後悔。』」子華更建議政府應辦一個婚前測試：「好離好去能力度」，來評估該對情侶是否適合結婚，他說：「如果條友仔能力好低，例如一離就殺人全家、狗都唔放過，係都要同歸於盡嗰隻，就應該被禁結婚啦！」

近年子華屢傳抑鬱暴瘦，健康狀況令人擔憂，其實子華甚懂養生，注意飲食外，更持之以恒每天都跑步！《好報》拍得子華日前跑步，尤如專業跑手般愈跑愈有兼愈爆，體力驚人，跑足一粒鐘，大氣都冇抖多啖，水都冇飲過一口！子華更強調自己不算太瘦，因為天生骨架細才導致大家產生錯覺，他說：「其實我有好多肉，大家睇唔到啫！」

黃子華日日堅持跑步，而且爆發力及體力驚人，尤如專業跑手！

黃子華認為自己和大部份正常男人一樣是「花心男」！

黃子華認為結婚是一時衝動的決定，一旦要結婚，就不要後悔。