「棟篤教主」黃子華主演的電視劇《My盛Lady》，下周轉入結局篇，全城期待。昨日《好報》率先劇透，「香廣男」一口氣咀勻三盛女，艷福無邊！他在《好報》專訪中，亦自認現實中屬花心一族。

由收視福將黃子華孭飛的無綫劇《My盛Lady》再成全城熱話，昨日《好報》獨家率先披露劇情！「香廣男」子華打救一眾盛女，下周轉入結局篇更會咀勻三位Lady，艷福無邊。他先咀「袁萱」陳敏之，令對方知道心中所愛原來另有其人。之後子華再被飾演舊愛的舞台劇演員楊詩敏（蝦頭）捉住重口味激咀，令他交纏於新歡「盛花蕾」徐子珊與蝦頭之間。最後子華看清自己心中所愛，扮成「肉汁牛扒」任女踩，終可激咀子珊，總算補番數。

《My盛》監製表示：「最終子華情歸子珊，但蝦頭都會搵到佢最想要嘅初戀，會有個代表意識形態嘅『蒙面超人』出嚟接收佢。」連「意識形態」都出埋，貫徹子華「棟篤教主」作風。雖然戲中子華救女無數，而且不用做剩男，但現實中年屆53歲的他，接受《好報》專訪時自認是花心男，對於婚姻他更放金句，希望做到「一時衝動，永不反悔」。

日日練跑冇氣喘
另外，被傳抑鬱暴瘦的子華亦被《好報》拍得日日練跑，氣都唔喘。他說：「其實我啲骨出面有好多肉，大家睇唔到啫！」

「棟篤教主」黃子華是收視保證，每次拍劇都掀起熱話。

蝦頭每日都攬住子華的人形咕????解單思之苦。

子華於《My盛Lady》結局篇與三位「盛女」激咀，艷福無邊。

徐子珊

陳敏之

子華接受今期《好報》訪問，自認是花心男。

子華跑步時完全冇喘氣迹象。