齊齊過隔籬台玩 子華避得就避

2005年4月30日 | 東方日報

吳鎮宇與陳慧珊(Flora)繼兩年前於人氣劇《衝上雲霄》合作後,最近於新劇再結戲緣,昨日二人聯同黃子華、大陸及台灣演員張庭、馬蘇及廣州小姐趙榮等人於東莞出席簽約活動。這對螢幕情侶久別重逢,不禁抱抱兼互相慰問,不過Flora表示新劇中二人會先禮後兵,她說:「今次我冇得同鎮宇再續前緣,大家由情侶變成生意上嘅競爭對手,互相鬥餐死至真!」

長遠關係審慎處理
該劇將於其他電視台播放,不過無綫出身的Flora及鎮宇均會配合宣傳,Flora說:「邊度播我都控制唔到,總之盡咗演員本分就得,況且我經理人——即係我哎吔男朋友(二人曾傳緋聞)會幫我搞掂,之前累過佢畀人誤會!(幾時帶正印亮相?)我都想呀!」至於鎮宇則說:「人哋搵得我拍,梗要做宣傳啦。(怕唔怕得罪無綫?)點解要驚TVB先?又唔係佢畀錢。咁樣問會破壞TVB形象,我都出自母校㗎!」

相反黃子華就避席簽約儀式,看來比較謹慎,事後他解釋說:「始終我同無綫係長遠關係,應該審慎啲嘅,所以頭先都避咗簽約儀式。(會唔會為套劇配音?)應該就唔得喇。(幾時返無綫拍劇?)都傾過拍劇,不過仍在商議中,未有定論。」子華笑言近年留在內地拍劇,已成半個內地人,不過仍留意鄭裕玲主持的《百法百眾》,他說聽講都幾受落。

0430enew13p1

(右起)黃子華、陳慧珊、吳鎮宇難得有合作機會,又可鬥「戲」一番。