男人40 我係男主角

2000 | 忽然一周
黃子華青靚白淨,唔多三十九歲,事實上,他將近四十。男人四十,經歷一浪接一浪,往往悲哀多於喜,事事刻骨銘心。

由於身無分文,到現時有車有樓有女朋友。

由茄哩啡,助導、DJ、編劇……,到做配角,到十年來的《棟篤笑》,到現在的《男親女愛》當男主角,還與鄭裕玲大鬥法,唔怕比下去,有三十一點收視,總算守得雲開見月明。

子華由始至終未有放棄,永不言敗,韌力耐力驚人。只是成四十歲才當男主角,遲唔遲?

「唔遲!我有心有力!」黃子華話。

呢個睇得出嘅!

忽:忽然一周  黃:黃子華

點解咁好笑

忽:作為一個喜劇演員,覺得自己成功嗎?

黃:有啲人對我講:「子華一企出嚟已經可以令人笑。」可能我已經被定型係喜刻演員,但誇口講一句,自己可能係產生過最多punch line(笑位)的其中一人吧。其實《棟篤笑》可以訓練到笑位嘅密度同準確度,無可否認對《男親女愛》這處境喜刻有幫助,但影響不單止是來自《棟》。以前有幸同許冠文合作,每場戲之前佢都會問呢場戲笑乜嘢,對每場戲都唔放過,我可能受佢感染,接觸任何有喜刻元索嘅工作,都會不自問……笑乜嘢?有乜嘢好笑?

忽:由《宋世傑》一劇做配角,到《男親女愛》擔正主角,感覺如何?

黃:《宋世傑》裡,即使賴三角色大獲好評,但自己始終係配角,即使登台,喺被邀請名單中,往往冇我份,對我嚟講,配角始終係配角,無論如何,一定要做一次主角先心息。一定要!依家只係男一階段的開始,我會不斷提醒自己要珍惜,雖然拍《男》劇苦不堪言,每日收工返屋企仲要度劇本。不過可以了解自己嘅目標同方向,生活就有意義。

我嘅目標好簡單,做男主角囉!仲要係掂喎!

瞓地扮死屍

忽:你84年由加拿大返港,89年才做《棟篤笑》,這期間有否覺得好難熬?

黃:一定喇!做《棟篤笑》之前,我完全籍籍無名,做過「茄哩啡」(臨時演員),又做過教育電視助導。記得返港做「茄哩啡」時,著住清兵衫扮死屍,真係幾好笑,因為一心訛住做演員,來做戲第一課就係扮死屍,仲經常畀場務亞嬸鬧,全無自尊可言,更莫提「前途」二字。

後來做助導,浮浮沉沉一事無成,我始終想做演員,但完全搵唔到入口。

每次喺廣播道見到一輪紅日,本應極為壯麗,代表錦繡前程,但可惜當時我根本唔屬於娛樂圈,有發揮機會,喺屋企等發霉,實在太被動,Nothing you can do(乜嘢都做唔到)!感覺好落寞。依家楂車經過駛過睇到呢輪紅日,先發覺自己已走過漫漫長路。

確曾灰心過

忽:鬱鬱不得志時有否灰心心過?

黃:記得嗰陣搭小巴碰到羅嘉良,當時自己正在發霉,嘉良亦唔係依家咁大紅大紫,大家見到面只有點點頭,彼此同相橉,同是天涯淪落人,喺車上,大家一句說話都冇講,我望住佢,心諗到底我哋有冇出人頭地嘅一日呢……好灰心。

黃:嗰段時候同朋友合租深水埗啲舊樓,一房一廳,每人一張床褥,食每一餐、買每樣嘢都要計得清清楚楚。加入香港話劇團時,月薪只有三千蚊,差多每餐都係燒鵝飯加杯可樂,記得當時租金已用去千幾蚊,最引以為榮嘅每月仲可以有三百蚊儲蓄。

無錢就無權

忽:做《棟篤笑》是不是令你得到很多東西?

黃:確實係為我改善咗生活,以前所憂慮嘅下個月點樣過。現階段唔係唔憂慮,而係憂慮下一年,甚至下兩年嘅生活,但相對嚟講,錢的確令我多咗安全感。
以前無錢無權講,現時多咗一啲錢,我就有權說一句,錢不一定能夠帶給快樂,但肯定有錢就有多啲安全感。

忽:你覺得快樂來自甚麼?

黃:我覺快樂唔係來自擁有大屋、靚車,或者穿得身光頸靚。點先叫快漿2?可能拎一大筆去幫助鬱鬱不得志嘅人,甚至面臨破產嘅人,就是快漿2吧,唔係扮清高,係真嘅,不過現階段我做唔到。

冇年齡隔膜

忽:你年齡比女朋友大十四年,有問題存在嗎?

黃:我知道積尼高遜六十多歲,娶一個二十多歲的人,更要生孩子,也十分佩服。我得她比我成熟得多,如果話年齡有隔膜,這個肯定是藉口。我認為不應該為此定型,其實感情好隨緣,只可以講,現階段我樂在其中。唯一可惜是因工作關係,太少時間陪女朋友。

主觀嚟講,現階段是相當穩定,但感情往往相當奇妙,認為太穩定便會出事,經常睇報紙,咩嘢婚外情、老婆『走佬』,可能就是嗰啲人認為穩定的時候,所以我得應該珍惜現在、珍惜對方。

如果你問雙方為這段感情放棄甚麼,我想某程度上,大家也為對方放棄咗一個森林。

唔多掂

黃子華說,自己鏡頭前後,判若兩人。

唔係啩?

係呀!鏡頭前好似才華橫溢,牙尖咀利,好似出嚟轆得吓,但鏡頭後,我唔多掂。

吓!唔係啩?

係呀!好多人為我猜枚飲酒好掂,其實好唔掂,飲支啤酒就熄燈嗰種。

吓!唔係啩?

係呀!