【有得睇喇】「世界一日唔和平,我好難兒女私情」《棟篤特工》黃子華拒婚絕招

2017.12.15 | 蘋果日報

2018年,黃子華再次返到電影圈,自編、自演新片《棟篤特工》,2018年賀歲檔上映,今次部戲除咗好多人期待之外,票房都係大家最想知嘅一環,因為子華神一向有票房毒藥之稱。今日《棟篤特工》又有新預告喇!

今次嘅預告中講到子華神同佘詩曼嘅關係,預告一開就由佘詩曼講出子華神犯咗咩法,好似亂過馬路263次、違例泊車516次、公眾地方行為不檢672次,指佢係重犯,但佘詩曼又要搵佢幫手咁,所以佢兩個就不打不相識咁。

預告中段就係子華神點同佘詩曼鬥氣,其中一段係子華神被佘詩曼吊起咗,子華神就問佘詩曼仲要玩佢幾耐,佘詩曼就話:「希望係一萬光年。」但光年唔係時間單位,而係距離,所以可預計戲中子華神應該會駁番佘詩曼。

最後佘詩曼就問子華神係唔係唔結婚,子華神就講咗句金句:「世界一日唔和平,我好難兒女私情。」可能戲中會有更多金句。至於之前流出長約兩分半鐘嘅簡體字版,吊威吔部份成條威吔見到晒,原來唔係正式預告,只係未完成嘅後期製作片段,部份精采場景喺今次正式預告已經cut咗。

1513332414_f587

1513332415_b66a

1513332417_65f4

1513332418_753c

光年係距離喎

1513332419_a71c

子華神係型嘅

1513332422_03f2

又講金句喇

1513332423_8591