【係咁㗎啦,好出奇呀?】真係笑唔出 20年前子華神的預言句句應棍

2017.04.18 | 蘋果日報

黃子華、男神、子華神,隨你點叫,佢都係神。

「神」梗係要有「神蹟」啦!子華神威水嘅地方,就係佢20年前棟篤笑入面嘅金句,到咗今時今日係應棍㗎。

1.「我係絕對唔會懷疑有一日能夠全民轉軚親中嘅能力!」

香港人功利嘅性格子華神一早就睇穿。邊到有利益,自然就有人去獻媚,即使演藝界例子都屢見不鮮,為咗「保命」貼敬禮相,貼「一點都不能少」,自我河蟹。呢到咁多keywords,讀者自己去搵嚟睇就明㗎喇。

2.「我認為喺香港任何人公開宣稱自己愛國,就等於公開宣稱自己係黑社會一樣,應該拉咗佢,真正罪名係『肉麻』!」

「係愛呀!」一講個愛字,相信大家都諗起今時今日啲「愛」字頭團體。以愛國之名,實行「黑、警、中」一家親。佢哋謾罵、動粗、挑起事端,都會唔有事俾人拉,因為有人「照」吖嘛。

3.「最近睇到報紙介紹二百零呎樓,適合四人小家庭合用。」

「係咁㗎啦,好出奇呀?」二百零呎樓住四個人好合理啫。相信今時今日唔少香港人覺得呢句說話係冇問題,唔怪得會有類似何文田加多利軒呢啲「納米樓」喺市場出現啦!現時樓價高企,想有個家談何容易,就算俾你買到,分分鐘個廁所窄到想轉個身都唔得,你話香港嘅樓奴幾可悲呢!

4. 「過咗九七,香港唔會有被動嘅嘢出現。」

由84年簽定中英聯合聲明後,大陸收返香港,香港就變成「主動式」嘅「回歸」。從12年李旺陽「被自殺」事件出現,到15、16年間銅鑼灣書店幾位東主李波、桂民海都係「主動」用「自己方式」返內地協助調查。大家就明何謂「主動」啦。

5.「有日有個四川農民嚟香港,然後同的士司機講去又一村隔離嗰個二奶村!」

雖然大家對「兩地融合」呢樣嘢好反感,但係每日批150內地人單程證來港,確實無法避免「被溝淡」呢個事實。身處新界區嘅讀者,每日搭巴士,搭火車,見到啲小朋友差唔多全部都講國語,相信你哋都會諗,到底自己身處嘅仲係咪香港。

1492435482_4fc1

1492435483_5092

子華神嘅《秋前算賬》棟篤笑真係世界級,入面好多金句到依家都仲好應棍。

1492435485_cbbf

(資料圖片)

1492435487_571c

(資料圖片)

1492435488_ae39

我諗子華神都冇諗過今時今日香港仲係咁。

1492435490_5e82

(資料圖片)