黃子華數娛圈血淚 笑偉仔、青雲剝褲

November 4, 2010 | 蘋果日報

黃子華前晚首踏紅館演出「黃子華棟篤笑20年娛樂圈血淚史 II」,吸引眾多藝人捧場,全晚內容主要圍繞子華自己在娛圈的辛酸史,又拿劉德華、蔡卓妍的瞞婚事件做話題,之後又笑指所有出色的男演員都曾在螢光幕前除褲,子華更笑言梁朝偉拍《色,戒》時「啷啷」在螢光幕前頭咁大,搞到戲院不允許觀眾拿出相機,因擔心大家同偉仔的「啷啷」影合照,笑爆全場。

前晚在紅館開鑼的一連八場「黃子華棟篤笑20年娛樂圈血淚史 II」,雖然今次子華開騷零宣傳,但現場四面台卻座無虛席,座位更擺到台邊,鄭裕玲(嘟嘟)、吳鎮宇、劉青雲夫婦、蒙嘉慧等藝人捧場。

辣瞞婚事件
整個棟篤笑騷歷時約兩個半鐘,中間不時穿插子華以往拍戲及做棟篤笑時的片段,話題圍繞他在娛樂圈的辛酸史,不過子華全晚只換得一套衫,加上未知是否怕得罪人,甚少提及貼身的娛樂圈新聞,以至笑位不多,但他今次就在騷內大玩火花等特別效果,更送出相機給台下觀眾,掀起了一陣高潮。
子華前晚先拿嘟嘟開玩笑,指當初拍《男親女愛》時,嘟嘟勸他執好個樣,子華說:「我真係好hurt,我已經執咗個樣。」台下的嘟嘟即時指住子華扮嬲。及後他又拿早前劉德華、蔡卓妍的瞞婚事件做話題,並揶揄說:「家娛樂圈太過正常,乜嘢都要道歉,車震、偷食,連結婚都要道歉,大佬,你做咗幾多人情呀,要同你道歉?」

自認低能仔
子華指吳鎮宇和劉青雲都是受尊崇的演員,所以一個出色的演員一定試過除褲,他說:「佢哋都試過露出籮柚喺條街跑,梁朝偉喺《色,戒》就做兩樣嘢,一係漢奸,二就係中國國際鋼琴大師『啷啷』,偉仔『啷啷』不怕洪爐火,係電影螢幕頭咁大,入戲院都唔畀帶攝影器材,因為怕你哋去影合照。」
此外,子華在台上問觀眾他的樣子似甚麼時,台下觀眾抵死說他像低能仔,子華即腦筋急轉彎還擊說:「你真係慷慨,畀錢嚟睇低能仔。」

04ec4p1new

前晚開騷的黃子華慘被觀眾取笑做低能仔。

04ec4p4new

黃子華拍《男親女愛》時與鄭裕玲傳過緋聞,前晚嘟嘟更親往捧場。