黃子華惡鬥司法界極品垃圾 被插衰格囂張自認最契弟

2022.09.08 | 星島日報

由《寒戰》系列編劇吳煒倫執導的首部電影《毒舌大狀》,月前順利拍攝完成,電影亦進入後期製作階段,《毒舌大狀》預計於2023年與觀眾見面。

《毒舌大狀》由黃子華、謝君豪、王丹妮(Louise)、廖子妤(Fish)及何啟華等主演,林保怡、谷德昭特別演出,星級陣容加上子華神今次在戲中飾演鐵嘴毒舌,憑其雄辯滔滔的口才,既能打救萬民蒼生,亦能將對方踐踏至體無完膚,句句抵死乞人憎。

預告中,一身大律師造型的子華,在法庭內自我介紹角色的有趣身份與性格。戲中叫林涼水的子華說:「我叫林涼水,相士話我命格火旺,需要一個水字balance(平衡),啲人話我口賤、衰格、囂張、扮蟹,稱呼人少得罪人多,話我係司法界的垃圾中的極品,但係真正的垃圾,係嗰啲恃住有財有勢,玩弄法律的契弟。佢哋認為公道係玩弄人心,因為佢哋含住嚿金,我話之班契弟含金定含銀,我一定要做到法律面前人人平等,我就係要討回一個公道。我唔怕班契弟,因為我最契弟。」

2022090721043992488

睇預告已經想狗衝入場。