新娘子蔡少芬酥胸半露 黃子華眼甘甘:腫腫地喎!

2004.02.16 | 太陽報

蔡少芬(Ada)與黃子華昨日為新劇《棟篤神探》拍攝一場結婚戲份,穿上低胸婚紗的Ada穿上波鞋,感覺有如「觀音頭掃把腳」,子華甫到場即對Ada笑說:「你今日好似腫腫哋喎!」Ada立即摸摸雙頰,以為對方笑她水腫,豈料子華抵死地指指自己的心口,笑而不語,令Ada哭笑不得!

子華更踢爆多年前Ada以宗教理由拒絕與他拍咀戲,他說:「點知一個月之後,佢同任達華拍戲嗰時又肯咀,所以佢爭我一嘢!(要佢拍劇錫番你?)咀就避免啦!唔衛生嘛!錢更好,我好平啫!一萬幾千得啦!」Ada聞言即反駁說:「叫佢唔好嘈呀!」並解釋當時尚未獻出熒幕初吻,加上戲中飾演同性戀者,毋須與他Kiss,她說:「另一套戲同任達華做兩公婆,錫都好正常啫!」

Ada強調沒有嫌棄子華,如果工作上有需要,她一定不會拒絕,更賣口乖說:「佢咁靚仔,冇口氣又唔博懵、風度翩翩……錢就叫佢唔使旨意喇!佢搵得多過我,我畀唔起。」

se02021603_big

Ada與黃子華影婚紗相,她笑言入行以來幾乎一年穿兩次婚紗,但不擔心因此失去結婚憧憬。