棟篤王句句入肉 黃子華詹Sir性在有Point

2006.12.10 | 太陽報

維基百科內對Talk Show有如下解釋:「脫口騷(Talk Show)是指觀眾聚集在一起討論主持人提出話題的節目。」香港的Talk Show與外國的實有別,開宗明義為「棟篤笑」,一個人Solo到尾。點解觀眾肯花數百大元坐定定睇你表演?看看黃子華與林海峰可以做Talk Show做到唔使憂柴憂米,就可以知道Talk Show有多大的吸引力!

所謂「工欲善其事,必先利其器」,黃子華認為做Talk Show最緊要事前準備好材料,做大量綵排工作,永遠不可以打天才波。近年,香港的Talk Show離不開黃色與粗口,子華對此有以下解釋:「其實唔一定要有黃色同粗口,不過Talk Show十居其九都係成年觀眾,投其所好好重要,所以話題離不開性、政治、宗桝同暴力。外國黑人嘅Talk Show(Stand-Up)有90%都係講性,反為香港已經好收斂。」

肚屙照上場
子華表示自己開騷前有一個不為人知的小習慣,就是要把化妝間開到燈火通明,他解釋如果把燈關掉就會失去做騷的感覺。其實很多人心况總有疑問,Talk Show一Take過冇得NG,如果肚子突然山洪暴發怎麼辦?子華細訴自己的經歷:「有一次我八點開騷,七點幾突然覺得肚痛,痛到要攬住馬桶果隻!又屙又嘔,雙鼓齊鳴,好似中咗千年奇毒一樣,我真係諗過Cancel個騷,但我有我嘅專業,惟有頂硬上出場,點知一上到台離奇好番晒,最後一Take到尾,順利過關!」

子華Talk Show金句:
改名只係啲父母將自己嘅主觀意願套喺仔女身上,所以大部分女仔唔係叫美乜就叫麗乜,男仔唔係叫阿堅,就係叫阿強,一唔係就叫阿祥,咁我地係咪好美麗,好堅好強好長囉!

「女人唔夠一百歲千祈唔好畀飽飯佢地食,所以依家啲女人為左有飽飯食,個個變晒人瑞,因為等到一百歲就可以食飽喇!」

我非常欣賞「黑貓白貓,捉到老鼠就係好貓」呢一句,我老友阿雄個老婆生仔,生咗個黑人出嚟,我都係咁同佢講:「黑仔、白仔,快高長大就係你個仔啦!」

棟篤笑先鋒黃子華Profile
1960年出世,畢業於加拿大阿伯特省大學。1984年參加無綫舉辦的《全能司儀大賽》而加入演藝界。隨後子華以棟篤笑之名稱引進外地的Stand-Up Comedy。九十年代初,子華把這種演繹方式帶入香港。每次出騷,子華都為觀眾發放笑彈,其收入也陸續有來!

se18120907_big

黃子華認為Talk Show不等同於粗口與色情,只是因為要迎合成年觀眾而有此錯覺。