舊地舉行囝囝百日宴 蘇永康爆子華有止喊秘技

2017.07.05 | 頭條日報

前晚,蘇永康(阿公)和太太馮翠珊(Anita)為出生105日的囝囝蘇展宏(Jazz)舉行百日宴,新手爸爸自誇生了一個乖仔所以湊仔無難度,佢又爆料指囝囝契爺黃子華有秘技,就係Jazz一喊,佢一抱就會收聲,好神奇。

阿公喺六國飯店筵開11席,病瘉久未公開露面的陳子聰亦同老婆何超儀畀面到場,還有黃子華、許志安、胡杏兒夫婦等,而車婉婉亦孭住囝囝出席。

阿公笑晒接受訪問,佢拎住兩張照片,一張是蘇媽媽抱著BB的他,另一張是蘇媽媽抱著孫仔Jazz,阿公話1967年佢嘅百日宴就係喺六國飯店舉行,49年後就輪到自己囝囝。

提到囝囝契爺子華,阿公話佢當晚好重要,因為只要Jazz一喊佢就會走埋去,一抱Jazz就唔喊,「任何人包括我都唔得,好奇怪,我懷疑子華每個星期去一次母親的抉擇幫手囉,哈哈!」

wnep053p01d

Jazz契爺子華、許志安及梁漢文齊到賀。