調時段收視不升反跌 黃子華《一觸即發》壽終正寢

2002.08.23 | 太陽報

無綫《一觸即發》一直收視平平,縱使早前調時段播映也毫無起色!黃子華昨日自爆《一》快將煞科,不過他並沒有任何留戀,反似甩難一般,他輕鬆地說:「我依家心情非常愉快!」

黃子華昨日錄影無線遊戲節目《一觸即發》時,自爆尚有幾集便告錄完,不過他似乎並沒不捨,反而表現得輕鬆地說:「拍多五日左右就完喇!我依家心情非常愉快!(有冇唔捨得呀?)我會掛住啲幕後工作人員嘅!」

對於無綫將《一》與劇集《皆大歡喜》播映時間對調,反令前者收視勁跌,子華毫不在乎地說:「呢啲高層搞掂啦!可能調咗時間後,細路仔太夜睇唔到啦!總之《皆大歡喜》好,Overall(整體)成績好咗就得,大家會吸取教訓喇!(乜嘢教訓?)播映時間上囉!乜時段適合播咩節目,都預咗呢個後果!(覺唔覺做咗犧牲品?)我有人工攞㗎!點會犧牲㗎!何況我預咗呢個節目,唔會有太大驚喜!」

姚嘉妮拗柴傻笑
子華表示完成《一》後會放大假,準備來年推出的《棟篤笑》,問他會否再為無綫拍劇?他說:「今年應該唔會,不過我對戲劇性嘅工作仲有期待,遲啲會做從未試過嘅戲劇性工作!」至於有關詳情,子華則賣關子。

另外,昨日參賽的姚嘉妮,於試跌時不慎拗柴,事後她竟笑說:「剛才我淨係掛住笑,郁都郁唔到!不過冇所謂啦!我成日拗柴㗎!老咗實風濕!」

e05082307_big

子華(左)昨日錄影《一觸即發》,邀得姚嘉妮(中)和鄭敬基任嘉賓。