黃子華狂數安仔五宗罪

2005.02.27 | 蘋果日報

黃子華前晚為許志安的演唱會表演棟篤笑,言談極盡抵死,除將安仔的舊愛鄭秀文( Sammi)擺上枱外,更着安仔自爆最不喜歡的藝人,結果安仔選了吳鎮宇,他說:「讀書時我同吳鎮宇喺黃大仙住埋同一幢大廈,有次我搭?,?門就閂時,佢啪一聲衝入嚟,入?後用個背脊對住我,喺度唱《鳳閣恩仇未了情》,我好驚吳鎮宇,佢好似一個黑社會。」

乞人憎榜第二位
子華表示安仔邀請他擔任個唱嘉賓之初,曾想縮沙,因為閱報得知安仔在香港乞人憎排行榜上佔第二位,他隨即問現場觀眾誰應登上榜首,台下有人大叫:「特首。」子華即笑說:「你哋講㗎咋!」
然後子華又連數安仔五宗罪,包括「與舊愛分手原來為泊富婆碼頭」及「與新經理人不咬弦、在公眾場合向舊經理人?撈」等,安仔聞言即自嘲說:「我真係賤。」子華再說:「呢兩單衰到解釋唔到,黑盡天下!重『眼紅情敵住別墅,不惜偕全家人死頂睇豪宅』,世伯真係陰功。」而餘下的兩宗罪則是「與梁漢文反目成仇」和「為爭獎出茅招、葉德嫻合唱變和唱、變featuring(特別鳴謝)」,子華說:「阿媽睇完呢單新聞都好迷茫,麥炳榮張國榮佢識,唔知邊個叫featuring?」
子華續說:「傳媒寫嘅許志安鍾意着白色細碼泳褲,而且唔知點解有個複姓,唔係許鄭、就係鄭許。」

27ec1p9

黃子華(左)前晚表演棟篤笑,狂數安仔五宗罪。