Thanks! Thanks! Thanks! 黎彼得

2008.11.05 | 蘋果日報

黃子華︰真正藝術家
八十年代後期黎彼得入了電視台淡出詞界,到99年殺出了黃子華,一口氣替他填了《關老三》、《做馬仔》等五隻歌。「當時拍《宋世傑》跟黃子華初相識,每日收工佢都帶埋女朋友來我屋企坐,我心想︰『做乜呀?三顧草廬呀?』最後我問他,他才說想做隻碟,我很欣賞子華,便鼓勵他去做﹗」黎視黃子華為好兄弟,原本得獎想叫子華幫手唱《關老三》,不過知道他正拍劇就免得打擾了。而黃子華則說︰「黎彼得是個真正的藝術家,要好小心呵護他的靈感,當時作詞我相伴在側,一邊飲啤酒,一邊傾,佢無feel亦唔會填,有時我只可以提出個主題,任佢發揮。」黃子華去年底在棟篤笑中還唱了黎彼得的舊作《第一次》,「難求緣份至、難求全合意,始終都有第一次……」黃子華問黎彼得箇中意思,黎答案簡單「鹹濕囉!」黃子華說︰「我諗我唔講出來,好多人都唔知《第一次》其實講乜,黎彼得的愛情觀其實很特別。」是特別看得通透,還有一份坦白。

05fb23p

黃子華說黎彼得是個真正的藝術家,無Feel的題材是絕不會寫。

05fb15p

黎彼得拍《宋世傑》帶兒子入廠探班與黃子華合照,轉眼是十年前的事,如今他的兒子已經高過他成個頭了。

05fb28p

黃子華《關老三》、《我愛你一世》、《您大晒》、《請不要關機》、《做馬仔》