人的好勝心太強，常常奢望得到一些高難度的東西，所以，男人會鍥而不捨地追求愛情，挺起胸膛地當女人的守護神。一次又一次地走愛情的脆局後，今天，三位守護神都有話要說。
吳：吳鎮宇
愛情進化論
張：十幾歲的時候會覺得愛情來得很震撼，有唔知點算的感覺，會很不切實際的諗得好長遠；二十歲時的愛情就變得自私、勢利、清醒些，唔敢諗將來；三十歲就會開始用實際的眼光諗將來。
黃：我由十幾歲開始至今對愛情的睇法都冇變過，我覺得愛情係令人癡迷、疲倦的。人會不眠不休地去追求愛情，如果世界上無愛情這東西，我相信建設同發明會更多。我從來唔諗什麼是天長地久，橫豎愛情從來無保證，但依然值得追求。
吳：十幾歲時的愛情好單純，二十幾歲時會加入性，三十歲對性的要求減弱，愛情又會多番啲，所以我覺得三十歲後的，才叫真愛。
男人可愛
張：男人，認識前覺得可怕，認識後會覺得可愛；女人則相反，認識前覺得好可愛，愈認識得久，愈覺可怕。
黃：我好同情男人，因為男人天生有太多弱點，一百個有九十八個都是貪新鮮，唔想有感情束縛，但係又會為女人做盡傻事，仲要為自己找很多藉口。
吳：男人都可惡！是一種極度不受控制、成日要女人?住的動物，好似人們搭地鐵時，一定要睇別人的報紙一樣。男人在愛情上不斷傷害別人時，又同時傷害自己。
女人野蠻
張：女人同男人一樣，只係性別不同。
黃：答得幾好，你唔講真係唔知！（子華與鎮宇大笑，達明仍然支吾以對）我覺得女人將男人對愛情的敏感度放大一百倍。
吳：我以前覺得阿媽好煩，原來自己的女人比阿媽更煩，是那種要控制你，不講理由的煩，女人在自己的男人面永遠是最野蠻的。
拍拖如演戲
張：在女人面前， 男人都會竭盡所能將任何事都講到最精采。
黃：拍拖等如打工，你在老闆面前唔會專登駁嘴，搞到份工無得做。拍拖時，如果你以最真一面示人，條愛情路會變得很狹窄。
吳：我初拍施時，以為不用在另一半面前做戲，後來先知要比演戲落力，例如要人工製造浪漫時，你就會變成美工同布景師。
終有一天感動你
張：我會寫情信俾女朋友，不過講心事始終是我的強項。最感動？我試過女朋友去法國移民，我二話不說拋低香港的一切，陪她去法國考車牌、搵屋，待她完全適應後，我才返回香港。
黃：我試過在加拿大落雪的時候，行了成個鐘去個女仔屋企門口望下望下，但係佢唔知，那次真係凍到有死亡的感覺幾浪漫幾老土呀！
吳：（沉默想了良久）我真係無做過令女人感動的事。
我愛你
張：我咁大個仔講過一、兩次我愛你，呢句話在女人離講最有效，我始終認為或者講 I LOVE YOU 易得多，中文好難開口。
黃：我覺得這三個字很好笑，因為已經很濫用。講的時候，有幾何是真心覺得好愛對方才講我愛你？通常都係有目的，又或者想簡化啲『你快樂我先快樂』，『所以你唔鍾意食雞翼我都唔會食』等說話，乾脆用『我愛你』代替。
吳：這句說話己經變得簡便，既然大家開心，點解唔講？我在任何時間場合都會講。
長情
張：我有好多幻想，但有很多障礙去阻止你去花心，你行街見到好多靚車，你都未必架架可以買。我和現的女朋友拍了五六年拖都算長情，現代人拍了半年已經算長情啦！
黃：（笑）你的不是叫長情，係叫走唔甩。
張：（語氣不忿地反駁）點解你地成日誤解我的感情生活？
黃：長情唔可以用時間衡量。基本上，我與每個女朋友談戀愛，都一心一意，咁已經算長情。
吳：我與一些不適合自己的女人都可拍很耐拖，都算長情啩？最長那次是多久？我己記不起，重唔算長情？
黃：你看他入行那麼久，身邊都仍是那個，連電話號碼都一樣，就知他長情。（三人大笑）
性與愛
張：性重唔重要？要看環境，我依家答你同今晚答你都唔同。
黃：（問達明）嘩！你今晚仲想答人？哈……性呢樣嘢，有無愛情都重要，愛與性，無話邊個無邊個唔得，但如果你愛與性的對象都係同一個人，就好幸福。
吳：性好重要，是愛情的一部份，它能夠將愛情推至滿分，如果沒有性，就不能夠得到滿分。
婚姻恐懼症
張：婚姻是一件好美麗的事，雖然對男人來說，無意思，但如果個女仔想結婚，你為了愛的人而結婚，係開心。不過，三十歲後，我對婚姻開始有恐懼症，我怕要付出很多心力，我怕轉另一個環境不適應。如果結了婚都可以分開住，有自己私人空間就好。
黃：（取笑達明）嘩！最好有不同的老婆同你生仔，個個都分開住。我從來唔諗結婚，結婚對我來說無意思，我又贊成領養，結婚等如將兩個人上市，有個名份叫人唔好掂之嘛！
吳：未結婚前，你會放縱自己，結了婚你可以回到一個舒適的家做回自己，又可以有名分生兒育女，所以婚姻對我來說很重要，不過，始終要有勇氣跨出這一步。
悠長假期的啟示
張：我是木村的話，我一定揀山口智子，因為她很有生命力，又為了自己做了那麼多的事。
黃：我會揀松隆子，因為我不相信你最初不鍾意的人，會對她日久生情。況且， 松隆子靚啲， 如果小南個角色由中山美穗做又唔同。
吳：我都一定揀靚啲那個。
三人絮絮叨叨地說着說着，原來縱然感情上有點磨損，都似乎變得微不足道，因為他們對愛情，依然有一份期望。