黃子華宣佈再加開10場 創疫情下舞台劇最多場數紀錄

2022年8月24日 | HK01

黃子華潘燦良主演的舞台劇《最後禮物》,來到第25場子華於謝幕時突然驚喜宣佈再加開十場!子華、阿燦帶領一眾演員謝幕,接受觀眾歡呼及掌聲,子華話:「有個特別消息公佈!其實都唔係好關你地事。呢個消息係我哋會加開十場!」觀眾歡呼聲再四起,「如果你哋今晚睇完之後,有少少不滿意,你等我哋星期五加咗場賣曬飛你先好去同人講你嘅不滿。但如果你真係不滿,我要恭喜你,因為你個家庭一定好幸福。咁重有朋友想睇,你哋就幫我話聲佢哋聽……」語畢又令觀眾隨即拍爛手掌,笑聲滿場。 加場門票於8月26日(五)早上10時快達票網站公開發售。

639137166269616128457061

黃子華潘燦良主演的舞台劇《最後禮物》,來到第25場子華於謝幕時突然驚喜宣佈再加開十場!

阿燦昨晚台上表示,對觀眾熱情支持,實在很感謝:「香港仲有好多好嘅演出等緊大家去支持,係我哋同期,或者跟住後面重有好多唔同題材又精彩嘅舞台劇,大家可以去睇埋,嚟緊中秋節,香港人要支持香港電影!」觀眾即又歡呼聲四起,大叫「〈飯氣攻心〉!」子華見阿燦咁客氣為他宣傳電影,即時回禮:「嚟緊有個舞台劇叫《短暫的婚姻》!係潘燦良導演!大家記得支持。」又引來掌聲雷動。

639138118842191872178362

潘燦良昨晚台上表示,對觀眾熱情支持,實在很感謝。

演出過後,子華及阿燦異口同聲表示沒想到眨眼就已經做了25 場,比想中日子過得要快。阿燦謂有一點累,子華就笑謂:「佢真fit過我,我就攰到每日都虛脫。」這次《最後禮物》口碑載道,詢眾要求再加十場,創下疫情中最多場數舞台劇紀錄,但仍有很多觀眾買不到飛,外間要求加多廿場都唔嫌多,子華聞言即回話,「唔好再加啦!十場夠啦!原則上我想做埋聽日就休息添呀。但係知道真係好多人想睇到一個咁好嘅制作,咁好嘅表演……加上我發現好多人睇完之後,個劇帶俾佢地好多反思,對佢地有一個「好」的影響,有睇過都知,我地個劇係講家庭,所以我先搏埋條命做多十場。我 哋係孫悟空就好啦,可以做幾百場,但係五十場對我嚟來講,真係盡啦。」阿燦:「舞台係神聖嘅,得咁多就咁多。」子華:「真係同生命一樣,如夢如幻如泡影……」阿燦:「不論係演個個,同睇個個都要好好珍惜佢,舞台價值先存在。」

639138353177956352127694

《最後禮物》口碑載道,詢眾要求再加十場,創下疫情中最多場數舞台劇紀錄。