究竟黃子華瘦啲，定係周潤發瘦啲？……唔係，唔應該話「瘦」，應該話弗至啱。

答案如圖。

今晚發哥球發嫂冒雨去紅館，欣賞黃子華最後一個棟篤笑《金盆啷口》。近8時左右，發哥夫婦同友人乘坐七人車抵達，喺後台停車場落車，抵達前已有四五名工作人員等候。發哥落車時見有傳媒守候，亦有揮手示意，之後入後台與子華打招呼。

一身黑色都OK緊身裝嘅發哥，拍埋著咗褸都掩蓋唔到鋼條身形嘅子華先嚟張大合照，子華仲同發哥講：「我多謝你至真呀！」兩人一面就係咁傾，傾下瘦身之道，又話瘦咗好多咁，子華指指發哥：「我諗你都係重我五公斤左右。」又話：「你都係五字頭，我都係五字頭。」應該係講磅數（公斤）原來發哥今次係第二次看子華，一向好欣賞佢；子華就一直敬重發哥，所以見佢嚟捧場都好開心！

兩個都係男神！

著咗褸都掩蓋唔到鋼條身形嘅子華

兩人一面就係咁傾

兩個討論緊瘦嘅問題

發哥嘅出現，令子華開騷之前都可以稍稍輕鬆笑一下