黃子華鄭裕玲 見面無尷尬

2001年3月30日 | 明報

黃子華女友劉婉君早前被懷疑服食過量藥物自殺,由於婉君出事前一晚,子華與傳過緋聞的鄭裕玲看舞台劇,於是被聯想有關連,當時子華曾為嘟嘟無辜被拖落水感到不好意思。自該事件後,子華、嘟嘟昨午於一個電視頒獎禮上再次碰頭,他們並排而坐,時有交談沒有尷尬。

今次是婉君入院事件後兩人首次碰頭,就此事問到嘟嘟,她反問:「咩嘢之後!(有無傾番件事?)無傾,又唔係大件事,又唔關我事,你哋去問子華女友重有無咳囉!」

轉而問子華?他說:「同嘟嘟係在該事件後第一次見面。(有無尷尬?)都無乜尷尬。其實我唔知做乜要尷尬。(之前你話拖嘟嘟落水唔好意思?)諗真啲真係唔關我事,係大家鍾意寫。(同嘟嘟會否生疏咗?)我地好耐無見就真。」問到女友婉君近期常蒲夜店,又被傳暈倒?他說:「我決定唔再講。」然後用手掩着嘴。