養小動物真係要好有愛心，照顧一條小生命到死去，花費嘅心力可以係好大好大。有一班藝人，深明呢個道理，仲將呢種愛拓展，收養一啲無家可歸嘅動物。

黃子華：
子華神充滿愛心係人都知，之前幫過「惜食堂」拍宣傳片，呼籲香港人出心出力。今個月初，佢再出席支持領養寵物活動，仲透露收養咗隻流浪狗，互相適應咗三個星期。

子華神月初透露，同新收養嘅流浪狗互相適應緊。