嘟嘟黃子華齊撐農夫開騷:當係宣傳吓

2017年11月10日 | on.cc 東網

組合農夫於麥花臣場館舉行的一連六場演唱會昨晚開鑼,去到演唱會尾段,螢幕播出黃子華講農夫嘅片段,子華表示普遍唱Rap嘅都係用壞孩子嘅方式,淨係農夫好似大哥哥咁,教導你人生真理:「佢哋好似喉糖、消炎藥咁,好聽啲講係普世慈悲嘅心腸,難聽啲講係離經叛道。」又讚農夫同其他唱rap嘅人唔同,都係佢哋嘅獨特之處。

之後片段中出現嘟嘟(鄭裕玲),佢笑言第一次喺台慶見到農夫:「第一次見覺得佢哋好核突,仲企喺我隔籬搭訕,心諗咩人嚟架?人哋話畀我聽佢哋係歌手。吓?歌手?乜香港淪落到呢個地步呀?但係相處咗之後又覺得好Nice,又幾夾,三個人有化學作用。咁耐以嚟佢哋都未送過一隻碟畀我,不過之前請我去睇佢哋嘅演唱會,又覺得佢哋幾有文采,有啲Message帶畀大家。」

其後當子華同嘟嘟講到兩人對上一次合體,子華就搞笑指:「上一次拍廣告,收幾多錢呀!」提到點解今次要撐農夫?嘟嘟笑言因為同農夫一齊拍攝嘅節目將於本月尾播出,而咁啱子華同C君拍攝嘅電影又上畫,所以順便做吓宣傳。最後,農夫就唱出《456Wing》為演唱會畫上圓滿句號,然後兩人仲走到出口,仿效婚宴新人咁送客,送走觀眾。

bkn-20171110010458753-1110_00862_001_01b

嘟嘟同黃子華一齊撐農夫開騷!

bkn-20171110010458753-1110_00862_001_04b

仲播出嘟嘟同黃子華嘅片段,有佢兩個當然有妙語連珠!