【男神又出動】為惜食堂探訪低收入家庭 黃子華:一份玩具可以睇到差別

2017年8月23日 | 蘋果日報

男神黃子華喺2015年曾經幫惜食堂拍咗一條短片,嗰次子華去咗深水埗,上九層樓梯搵一個婆婆傾偈,之後又陪婆婆落九層樓梯去到惜食堂,跟住子華幫手派飯俾一班公公婆婆食,嗰次男神嘅威力認真驚人,搞到捐款網頁都冧server!

事隔2年,子華再一次為惜食堂拍咗一段宣傳片,今日凌晨時份佢上載喺自己嘅fb page,子華喺短片先係介紹惜食堂嘅粒粒皆辛館‬,之後又係行樓梯,不過今次唔係上樓搵婆婆傾偈,而係拎住兩份玩具,探訪一個低收入嘅家庭。子華同郭太傾偈,知道呢個一家四口嘅家庭,先生每月嘅收入係1萬3千蚊,扣除屋租兼雜費5000,餘下嘅8000蚊係即一家四口嘅生活費,子華好疑惑佢哋可以點樣生活。

因為工作嘅關係,郭太話佢哋平時好少有家庭活動,等大仔放學,會去惜食堂食飯兼做功課,原來除咗老人家之外,惜食堂仲專登增設一班,喺6點鐘俾啲低收入嘅家庭食飯,子華話:「香港係一個差別大嘅社會,憑一個玩具就可以睇得出,好似我頭先拎住兩份玩具送俾兩兄弟,惜食堂啲朋友已經話佢哋會好開心,果然上到去,細佬攬住冇放開過。」

子華仲話:「我身邊啲朋友,大部份都會同啲仔女講,唔好玩咁多喇!記得執番好你啲玩具,一屋都係,我自己都試過幾年前送玩具俾侄仔,竟然阿爺都送過一份一模一樣嘅俾佢,最後要拎去換過一份,但係有啲人係一樣都冇。玩具係一件事,食飯又係一件事,惜食堂如果一日幫到1、2餐,對好多人嚟講,重要性係好大,一個月可以慳番好多錢!」子華又話除咗多謝大家捐錢之外,亦要多謝一班義工。

1503476093_f416

1503476094_0ecd

(影片截圖)

1503476095_96be

子華介紹粒粒皆辛館。

1503476097_9b76

今次係子華第三次為惜食堂拍短片。

1503476098_3e24

子華又行樓梯做探訪。

1503476100_ef3d

(影片截圖)

1503476101_3e64

子華有即場了解郭太嘅家庭狀況。

1503476102_fd06

(影片截圖)

1503476104_537e

(影片截圖)

1503476105_1eb1

黃子華話好多謝捐款人同義工幫手。