黃子華前晚率王菀之（Ivana）、鄧麗欣（Stephy）、林明禎、張繼聰等出席電影《飯戲攻心》首映禮，有份投資的古天樂現身打氣，呼籲大家支持本片，主持人鬼馬表示：「仲有《明日戰記》。」即令古仔尷尬笑言：「唔好提《明日戰記》。」

講到近日港產片屢創佳績，子華望《飯》也能託鴻福，雖然都憂慮疫情影響票房，但認為今次能控制到，因大家都好有經驗。大會為子華預祝9月5日的生日，導演陳詠燊送上《飯》續集故事大綱，令子華好興奮，更揚言一定參演。對於他主演的舞台劇加到50場，子華說：「希望好嘅演出可以多啲人睇，其實前三日我已經盡咗，所以今日有得嚟睇，好開心！」

（右起）Stephy、子華、Ivana和林明禎齊現身《飯戲攻心》首映禮。