棟篤男神黃子華噚晚舉行最後一騷，正式宣佈「金盆浪口」，吸引群星齊集紅館朝聖，完騷後可以入後台親親子華嘅藝人，紛紛在網上晒出同男神嘅合照，包括2000年前同子華合拍經典劇《男親女愛》嘅鄭裕玲（DoDo），Do姐言：「Well done my friend！」網民都驚嘆「毛小慧」同「余樂天」重逢世紀合照，相中嘅子華比18年前樣子成熟咗，Do姐就瘦到面都尖晒。

至於曾同子華合拍劇集《絕代商驕》同電影《棟篤特工》嘅佘詩曼，則貼合照寫道：「congrats to dayo」周慧敏自爆同子華係舊同事：「大家可能知道我們合作過拍電影，但應該不知道我們很多很多年前還是電台同事。就這樣32年了。恭喜子華的金盆浪口，完美完成！」好兄弟古巨基抵死留言：「不捨。可否金盤反口」梁芷珊同樣叫子華：「唔好浪口得唔得呀？」容祖兒則寫：「香港怎能沒有黃子華，謝謝你用說話溫暖了我們的心。」

完騷後子華同好友基仔夫婦、蔡一智夫婦等去慶功，蘇施黃同金燕玲送上「金盆浪口」蛋糕，十分有心思。

群星鬥晒子華神合照。

子華完騷後同基仔夫婦、智仔夫婦等慶功。

容祖兒朝聖。

毛小慧同余樂天重逢。

基仔叫子華金盆反口。

周慧敏同子華做過電台同事。

群星入後台同子華神合照。