【台慶都冇嘅卡士】農夫撮合Do姐拍打氣片 子華神嗌中伏

2017年11月10日 | 蘋果日報

農夫噚晚開始喺麥花臣場館舉行六場演唱會,佢哋請咗十年無合作嘅子華同Do姐幫手,不過,只係限於拍片支持。

男神子華大讚農夫話:「我聽盡世界上咁多嘅rap,都係偏向壞孩子,只係香港嘅農夫就好似剛剛大兩歲,但係又好似明白晒人生真正嘅道理,就好似一粒喉糖或者消炎藥咁,好聽嘅就係救世,有普世嘅心腸,唔好聽就係離經叛道。」緊接就係Do姐拍片,佢話:「第一次見佢兩個覺得佢哋好核突,原來歌手嚟㗎,點解依家淪落到呢個地步,夾落好Nice,識咁耐冇俾過一隻碟我,有一次迫我去睇佢嘅演唱會,覺得佢哋幾有文采,歌詞幾有Message。」

之後子華問Do姐點解要拍呢條片?子華:「今次係中伏同相信佢哋識我哋嘅時候已經有鋪排呢件事,C君拍戲嗰陣問我可唔可以做嘉賓,我就一口拒絕,佢就話拍片,我諗住起身刷牙就可以拍,點知話準備咗個有Production嘅地方,你話我哋幾耐冇咁樣出嚟!咪就係十年前拍廣告,嗰次收幾多錢?」

農夫台上面話:「今次碌晒所有人情卡,黃子華加鄭裕玲,台慶都請唔到,今次真係碌爆晒啲里數,儲爆晒啲里數,係唔理個理咁,下次唔會理我哋。」完場時,農夫送客,送晒所有觀眾,佢哋先離開。

農夫完騷後接受訪問:「我哋兩個分別搵嘅,拍戲期間問子華,問佢可唔可以做嘉賓,佢一口拒絕咗,都係Do姐line up,都幾勞師動眾,不過其實係嘟嘟提議㗎!」

1510309309_df07

農夫噚晚喺旺角麥花臣場館舉行演唱會,大唱禁歌!

1510291260_4325

佢哋搵咗子華神同Do姐拍片支持。