《一觸即發》首個百萬富翁誕生

2002年7月11日 | 太陽報

黃子華昨日透露,日前《一觸即發》有女觀眾成功贏取五十萬元獎金和五十萬元獎品,成為該節目播映以來首個「百萬富翁」大贏家。

子華自主持《一觸即發》以來,不時在節目中口花花讚參賽者「靚女」,問他有否被女友詐型,他笑說:「我都係監生讚人靚女啫!女朋友冇詐型,不過最近真係有個靚女上來玩,仲即時俾個男參賽者追求。」他還笑稱節目應改名為《婚姻介紹所》,他說:「個靚女39歲,成個金喜善咁嘅樣,個男參賽者即時追求,仲託我問個靚女嘅電話,做完節目又等埋個靚女一齊走!不過個靚女已表明名花有主,希望佢哋有結果啦!」