黃子華昨晚請劇集《My盛Lady》一眾演員吃飯兼看大結局，雖然榮膺「視帝」的他坦言兩年後都未必有時間回無綫拍劇，但仍希望跟劇中每位女演員都拍一部劇集，而敏之則表示想跟他談戀愛！

黃子華、徐子珊、陳敏之及陳嘉佳（細細粒）等一班《My盛Lady》演員昨晚齊齊吃飯兼看大結局，細細粒一見子華即高呼「視帝華」，非常搞笑！問到此劇會否拍續集？子華指未來兩年太忙，都未必能添食，但他表示心願是能跟劇中每位女演員都拍一套劇！問會否搞舞台劇版時，他說：「冇咁諗過，上次《男親女愛》時間可以做到，嚟緊自己都應承客串好多電影，棟篤笑又巡迴，壓力好大！」

敏之齋暗戀感遺憾
問到兩年後會否返無綫拍劇？子華說：「絕對唔係喎！到時再睇情況。」子華再拍劇，成事的話最快也要兩年，對此陳敏之說：「幾耐冇所謂，佢一返嚟我哋就齊晒人！我都想同佢拍劇談戀愛，呢套淨係暗戀佢有啲遺憾。」此外，日前性感出席活動的徐子珊聲沙又發燒，問到會否與子華夾份請客？她表示冇所謂，但子華未必會給她夾錢。

《My》劇來到大結局，由「視帝」子華請客，大家都非常興奮！

子珊冷親發燒，與子華合照時略見病容。

君馨（左）和敏之左右獻吻，子華大享齊人之福！