男神黃子華又開騷，門票亦再一次火速售罄，子華魅力沒法擋，其實都係靠佢過往喺棟篤笑入面睿智幽默嘅金句，好多仲流傳至今，香港人仲經常引用，我哋搵咗十句佢嘅金句，依家睇返，都仲係充滿智慧甚至警世意味：

「搵食啫，犯法呀？」
「男人喺愛情上係要求新鮮，女人對愛情最大要求就係保鮮。」
「化妝就係你落咗妝，我仲認得你，你落咗妝，我唔認得你，嗰啲叫做喬裝。」
「喺我第一次戀愛之前，我認為自己就係楊過。而我同書裏面嘅楊過唯一唔同地方，就係佢有一隻大鵰。」
「當乜嘢人都唔搵我做嘢，我就知道，我係一個偉大嘅藝術家，在生嘅時候係唔會獲得應得嘅尊重。唔止咁，我仲偉大過偉大嘅藝術家，因為我知道，我死後都唔會受到尊重。」
「男人唔係不主動，係成日都蠢蠢欲動；唔係不抗拒，係不能抗拒。我哋唯一可以做嘅，就係不負責！」
「依家香港人生仔可以冇老婆，但唔可以冇菲傭。」
「乜嘢叫做天真？就係你相信一個藝人嘅形象就係嗰個藝人，咁樣就叫做天真。」
「所以梁錦松佢依家好犀利架，佢經濟冇破產、佢人格亦都冇破產，佢係IQ破咗產。咁我哋唔應該欺負啲智慧低嘅人。」
「人類有人類自己嘅食物鏈，人類嘅食物鏈簡單好多，只有三種。最下層係無產，中層係中產，頂層係X家產！」