等了又等,等完再等,終於等到黃子華棟篤笑開鑼喇!根據黃子華嘅內地官方微博報告,棟篤笑會於今年10月6日至14日於紅館舉行,票價分$580、$380同$280,內地官方微博亦已接受$580貴飛內部訂飛,仲話保證最佳位置添!子華對上一個棟篤笑,已經係2012年嘅《洗燥》喇!
香港亦流出內部認購嘅電郵,話截止日期係今個月30號。咦,仲未爆?
家陣黃子華就同鄭中基等人身在陽江拍攝新片《神秘寶藏》,仲染咗一頭金毛,非常型仔。但每日都有唔少fans去搵佢集郵影相,影響子華拍攝情緒,故一度拒絕。子華嘅官網都呼籲大家要守規矩,唔好影響片組開工呀。
闊別兩年,黃子華棟篤笑終於都返嚟喇!
網上流傳嘅內部認購消息
淘寶都有?
家陣身在陽江拍攝新片嘅黃子華,變身金毛華…唔知今次部戲,會否達成子華嘅男主角夢呢?
不少fans搵佢集郵,影響其拍攝情緒。