男神黃子華噚晚喺荃灣出席馬年倒數活動,留咗小鬍子嘅佢明顯增磅。早前被拍到有貌似范曉萱嘅女友,問子華係咪因為拍拖甜蜜而增磅,佢只係甜笑話:「日日都咁sweet啦!」
子華自爆會到女友屋企拜年,咁到時驚唔驚被催婚?佢笑言:「搵利是塞住佢哋把口。」正為棟篤笑準備嘅子華,表示增肥中,正好趁新年食糕增多二、三十磅。
噚晚年三十晚子華又放咗段彈結他嘅片上網同大家拜年,噚晚佢喺呢個活動上面都有獻技。
男神子華駕到!
子華肥咗,咁咪好多,太瘦嚇親粉絲。
一樣咁型仔
子華彈結他,係咪好有型?
仲戴埋黑超Chok!