09年爆發金融海嘯，子華以此大造文章，他說：「早排金融風暴，每個人起碼唔見一半身家，福布斯話李嘉誠唔見一半身家，何鴻燊就唔見九成。我同誠哥打成平手，贏咗何生，我從來未贏過何生，可以喺澳門買兩盒蛋卷都當贏。佢入院唔關我事，希望佢早日康復。」

講完金融風暴連消帶打講埋淫照風暴：「婚前性行為會令人身敗名裂，但婚外情就可以令人致富。畀人偷睇要道歉，但偷睇嘅人就可以投訴。有好多人相信有過性行為就唔可以天真，咁有冇人嘅媽咪係冇過性行為？」