黃子華自2016年與陳法拉和劉俊謙合演舞台劇《前度》後，明年1月將夥拍潘燦良，假演藝學院合演一連30場、由莊梅岩編劇的舞台劇《最後禮物》。日前，他們以黑色西裝造型，在清水灣片廠拍攝宣傳海報，黃子華透露與潘燦良有一段淵源，他說：「好多年前我做過香港話劇團，當我離開之後幾年，就到燦燦入去做。」潘燦良表示要叫他一聲「師兄」，黃子華笑說：「呢方面，受得起！」

黃子華又指潘燦良是他的偶像，聽到潘燦良目瞪口呆，他說：「黃子華都係…」黃子華即拍一拍他的手笑說：「唔好被迫呀！」潘燦良續說：「或者我唔用嗰個字眼，黃子華係我相當欣賞嘅演員、創作人。」黃子華表示經常欣賞對方的舞台劇，粗略估計看過起碼10部舞台劇以上，潘燦良望著他說：「咁都唔係睇得好多咋喎！」

已有5年沒有做過舞台劇的黃子華，他笑說：「冇做舞台劇啫，我一直有開電影嘛！今次能夠同我偶像潘燦良合作，真係夢寐以求。」對於今次演出舞台劇《最後禮物》，黃子華說：「前排有套劇叫《大叔的愛》，我哋呢套叫《最後禮物》，但我自己心目中，佢（《最後禮物》）有權叫做《大叔的恨》，而家大叔好吃香，我哋呢兩個大叔之間有好多嘅恨。」潘燦良接著說：「係因為有好多愛喺裡面，先至會恨得咁緊要。」黃子華續說：「但大家唔好誤會，唔係叔叔的愛與恨，同埋唔係淨係我哋兩個人做嘅戲。」

其實早前已經開始為舞台劇進行圍讀，黃子華說：「圍讀嗰日都幾震憾，因為我冇諗過，所有演員都係舞台劇界獨當一面嘅朋友，真係一個重量級嘅製作。」潘燦良認真地說：「就算你喺外國，都要返嚟隔離完去睇。」黃子華笑說：「拿拿聲隔離，因為好快就做。」