「Cool魔」張智霖，今晚出席將軍澳電視城舉行的「《萬千星輝頒獎典禮2013》台前幕後仝人歡宴」活動，因有其他工作在身，而姍姍來遲的Chilam，笑言是專誠抽空前來：「因為啱啱有春茗show，所以要喺工作之間抽時間嚟，一定要到！」由於Chilam受訪期間，聲音略顯沙啞似是感冒，問到是否在馬爾代夫裸泳以致着涼，他解釋應該是在飛機上「冷親」所以病倒。

Chilam到場後，即與黃子華再次世紀合照，二人更老友鬼鬼咬耳仔傾密偈，Chilam更準備了新歌CD送給子華，希望子華能給予他意見。

Chilam到場時，電視廣播有限公司行政主席梁乃鵬，正身處台上為Chilam與無綫鬧不快傳言解畫，Chilam得悉後表示：「其實係溝通上嘅美麗誤會，個獎好有分量，令我得到好多。（再幫TVB拍劇？）好期待，但要拍咗《衝上雲霄》電影版先。（畀個角色子華演？）你估我係監製咩？（子華想同你拍劇喎！）我十幾年前同公司高層提議過啦，可惜無啱嘅劇本。」

張智霖與黃子華世紀合照，兩人見面熱情地擁抱。

張智霖（右）送上親筆簽名CD給子華。

世紀合照