《男親女愛》功成身退 新處境劇10月出擊 張達明 黃子華 棟篤雙打搶師奶觀眾

2000年5月29日 | 太陽報

隨住收視爆的《男親女愛》7月份光榮引退後,無線將會先播出20集的國產劇《真情告白》迎暑假,但同時間,無線巳開始秘製另一套在台慶月推出的全新百集處境劇,主角正是黃子華的老友張達明及谷德昭,據聞無線更構思拉攏黃子華於後50集出場,實行以「棟篤雙打」強搶師奶觀眾!

七月七日《男親女愛》將播映完結篇,隨後無線將會緊接推出二十集大陸劇《真情告白》,與此同時,無線亦開始籌備另一套全新的百集處境劇,並斟洽張達明及谷德昭齊齊上陣,走馬接捧。

該劇初步計畫十月開拍,於十一月推出為台慶月掀開序幕,除張,谷二人外,無線計畫再安排黃子華於後50集出場,到時張達明和黃子華這對「棟篤笑雙打」便可拍住上,由「狀王宋世傑」出馬大戰「余樂天」。

昨日記者致電張達明求證,他坦承無線確有斟他拍處境劇,張達明說:「好初步傾咋,都未落實,梗係有興趣拍啦,但要睇時間,(《男》收視咁高,會唔會有壓力?)都唔關我事,睇你哋傳媒點寫嘅啫。」

黃子華對老友張達明拍劇亦有所聞,黃子華更對他信心十足說:「達明做係好事,佢係宋世傑,全年最高收視嘅節目喎,擔得起有餘,掂梗!(聽聞無線想擺你喺後50集出場,同達明拍擋?)聽聞啫,無線都大月冇接觸過我,我手頭仲有工作,所以拍嘅機會渺茫啲。」