政府再阻港視開台 子華怒轟:做人冇公關就食屎

2014年3月18日 | 蘋果日報

政府再出招力阻香港電視網絡(HKTV)開台,搞到旗下員工淪為失業大軍,不獲港視續約嘅艾威仲話計劃變賣家當維生。

黃子華今日出席雜誌頒獎活動,都忍唔住開腔炮轟政府話:「依家唔係艾威一個人嘅事,香港好多人都對呢件事氣憤,成日搬出咁多條例出嚟,我冇做過科學民調,不過有好多人唔明白呢啲條例,亦唔明點解唔畀佢開台?」佢仲話曾經喺一段片講過一句說話:「做人冇公關就食屎,對香港嚟講,呢個係好差嘅公關。」子華未有再解釋,只覺得政府應該為事件交代。

而再獲封「美魔男」,子華就話:「呢個係唔敢認嘅稱號,人又有型,車又有型,我覺得自己唔有型,型呀!唔需要個個人都要咁型,要有唔同類型,世界先精采。」

1395149365_cc71